പുഴ.കോം > പുഴ മാഗസിന്‍ > കവിത > കൃതി

പ്രണയാർദ്രം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
റഫീഖ്‌ പന്നിയങ്കര

കവിത

ഒരു ശിശിരകാലം

അവസാനിക്കുകയാണ്‌.

ഇപ്പോൾ ഹൃദയം വിങ്ങി വീർത്ത്‌

അധരം കൂമ്പി വിറച്ച്‌

യാത്രാ മൊഴിയില്ലാതെ

പടിയിറങ്ങുമ്പോൾ

നിന്റെ തേങ്ങലിൻ സ്വരം

ഒരു മഴച്ചീളുപോലെ

നെറ്റിയിൽ പതിക്കുന്നു.

കഴിഞ്ഞ രാത്രിയിലെ

നനഞ്ഞ ചുംബനവും

മുഴുമിക്കാത്ത വാക്കുകളും

നൊമ്പരമായ്‌ എന്റെ കവിളിലൊട്ടുന്നു.

ഇനി... ഞാൻ,

മണൽക്കടലിൻ മദ്ധ്യേ,

ഏകാന്തതയുടെ ദ്വീപിൽ...

വിരഹവേദനയും ചൂടുകാറ്റും

എന്നെ പൊളളിക്കുമ്പോൾ

മനസ്സിൽ കുളിരു പടർത്തുന്നത്‌

നിന്റെ മിഴികൾ...നിന്റെ മൊഴികൾ...

നിന്നെക്കുറിച്ചുളള ഓർമ്മകൾ..?

റഫീഖ്‌ പന്നിയങ്കര

ആനുകാലികങ്ങളിലും കഥയും കവിതയും ലേഖനങ്ങളും എഴുതാറുണ്ട്‌. ഗൾഫിലെ മലയാള പത്രങ്ങളിൽ കാർട്ടൂണുകളും വരച്ചിട്ടുണ്ട്‌.

ദുബായ്‌ കൈരളി കലാകേന്ദ്രം ചെറുകഥാ സമ്മാനം, ഷാർജ തനിമ കലാവേദി മിനിക്കഥാ സമ്മാനം, കവി പി.ടി. അബ്‌ദുറഹ്‌മാൻ സ്‌മാരക കവിതാ പുരസ്‌ക്കാരം, കേളി കടമ്മനിട്ട രാമകൃഷ്‌ണൻ കവിതാ പുരസ്‌ക്കാരം തുടങ്ങി നിരവധി അംഗീകരങ്ങൾ ലഭിച്ചിട്ടുണ്ട്‌.

പുസ്‌തകംഃ ‘നഗരക്കൊയ്‌ത്ത്‌ (കഥാസമാഹാരം)

സ്വദേശം കോഴിക്കോട്‌. 1994 ഡിസംബറിൽ സൗദി അറേബ്യയിലെത്തി. ഇപ്പോൾ റിയാദിലെ ന്യൂ സഫാമക്ക പോളിക്ലിനിക്കൽ പി.ആർ.ഒ. ആയി ജോലി ചെയ്യുന്നു.


Phone: 00966 553 363 454
E-Mail: panniyankara@gmail.com




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.