പ്രസവവേദനയാൽ പുളഞ്ഞൊരാഭാര്യതൻ
വിങ്ങലേറ്റു ഞാൻ ഞൊടിയുണർന്നതു
ഒരു ഇരുട്ടിൽ
ഇരുട്ടിൻ സന്തതിയായി പിറന്നൊരാപുത്രനെ
പകലിൻ നന്മ കാണിക്കാതെ തിരിച്ചെടുത്തതും
ഒരു കുറ്റാകൂരിരുട്ടിൽ
ഇന്നിതാ
വന്യമാം സൗന്ദര്യാസ്വാദനത്തിനൊടുവിലെപ്പോഴോ-
അഗാധമാം ഗർത്തത്തിലേക്കൂളിയിട്ടെൻ
പ്രണയിനിയെ തിരഞ്ഞതും
വിറങ്ങലിച്ചൊരാശരീരം എൻ കൈകളിലേറ്റിയതും
ഈ ഭയാനകമാം ഇരുട്ടിൻ ഓർമ്മയായി.
