പുഴ.കോം > പുഴ മാഗസിന്‍ > കവിത > കൃതി

ഇരുട്ടിൽ പെയ്യുന്ന മഴ

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
എം.കെ.പോൾ

കവിത

ദൂരെ, മേഘങ്ങൾ

മൂടിപ്പുതച്ചാകാശം,

തണുപ്പിൽ കിടുകിടെ

വിറയ്‌ക്കുന്ന ഭൂമിയും.

ഊഴമിട്ടെത്തും

ഈറൻ കിനാവുകൾ,

മിന്നാമിനുങ്ങുകൾ...

പ്രിയമാണെനിക്കീ

മഴക്കാലരാവിൻ

തോരാത്ത ചില്ലകൾ....

ഉച്ചത്തിൽ ധ്യാനിക്കും

അതിസൂക്ഷ്‌മ ജീവികൾ,

ഇലച്ചാർത്തിൽ

പ്രണയം മന്ത്രിക്കും

മഴത്തുളളികൾ,

ആർത്തിയോടിണയെ-

ത്തിരയും വിരലുകൾ...

പ്രിയമാണെനിക്കീ

മഴക്കാലരാവിൻ

മേളക്കൊഴുപ്പുകൾ...

തുറന്നേകിടക്കുമെൻ

ചില്ലുജാലകം,

നെറ്റിയിലിറ്റും ജലം,

ഇരുട്ടിനെപ്പിളർന്ന

മിന്നൽപ്പിണർ....

മഴ പെയ്‌തു തോർന്നപോൽ

പടിയിറങ്ങുന്നു പ്രാണൻ.

പ്രിയമാണെനിക്കീ

മഴക്കാലരാവിൻ

മരണസങ്കീർത്തനങ്ങൾ.

എം.കെ.പോൾ


E-Mail: mkpaul@freeshell.org.




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.