പുഴ.കോം > പുഴ മാഗസിന്‍ > കവിത > കൃതി

നഗര വാർത്തകൾ...

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ചിത്ര

പത്രങ്ങൾ എഴുതിയത്‌ ഃ

വായിച്ചു മറക്കാനിതാ

ഒരു പുതിയ വാർത്ത

നഗരം പരസ്യമായ്‌ പറഞ്ഞത്‌ഃ

ഇനിമേൽ നിരോധിച്ചിരിക്കുന്നു

ഭിക്ഷാടനം; ഭിക്ഷാടകരേയും

നഗരത്തിനിനി വേണ്ടത്രേ

ചളുങ്ങിയ പാത്രങ്ങളും കീറത്തുണികളും

(രഹസ്യമായ്‌)ഃ ഇനി വെളുത്തിട്ട്‌ തന്നെ കാര്യം

ഒരാഴ്‌ച കൊണ്ട്‌ നീങ്ങുമല്ലോ

മുഖക്കുരുക്കളും കറുത്ത പാടുകളും

ഭിക്ഷാടകരുടെ നന്ദി പ്രസ്താവനയിൽ നിന്ന്‌ ഃ

നഗരമേ, നീ ഭിക്ഷയായ്‌ തന്ന

നാലു ചുവരുകൾക്കുള്ളിൽ

തിരഞ്ഞോളാം ഞങ്ങൾ

ജീവന്റെയർത്ഥം; അർത്ഥമില്ലായ്മയും

മറന്നോളാം ഞങ്ങൾ

വിശപ്പിന്റെ നാനാർത്ഥങ്ങൾ

പോരെങ്കിൽ, ഞങ്ങളെത്തന്നെയും.

ദാരിദ്ര്യമേ നിരോധിച്ചില്ലല്ലോ

അത്രയും നന്ദി.

വഴി പോക്കയായ ഒരു ദോഷൈകദൃക്ക്‌ പറഞ്ഞത്‌ ഃ

നഗരം ഉണ്ട്‌, കൈകഴുകി,

ഏമ്പക്കമിട്ട്‌, കമിഴ്‌ത്തിയ

പാത്രത്തിനുള്ളിലില്ലപോലും വായു

പിന്നല്ലേ ഒരു ചീരക്കഷ്ണം

ചിത്ര


E-Mail: chithukp@gmail.com




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.