പുഴ.കോം > പുഴ മാഗസിന്‍ > കവിത > കൃതി

മഴത്തമ്പുരാട്ടി

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
വേണുനമ്പ്യാർ

കവിത

കരിമേഘത്തണ്ടയക്കാം

കാറ്റിൻ പൊൻപല്ലക്കയക്കാം

തമ്പുരാട്ടി വരിക നീ

കിലുക്കി കിലുക്കി വെളളി-

പ്പാദസരയലുക്കുകൾ.

ഋതംഭര നീ ഭരദേവത,

ദ്രുതലയത്തിൽ ചുംബിക്ക

ചുടുമണ്ണിനെ, നിറയ്‌ക്ക

മദജലത്താൽ സംഭരണികൾ.

പൂക്കളം കരിഞ്ഞു തേഞ്ഞു

മാഞ്ഞോരീമുറ്റത്തിറങ്ങി

മീട്ടുക ജലതരംഗവാദ്യം

ആദ്യം ലാസ്യനടനം,

പിന്നെ പൊട്ടിച്ചെറിയുവിൻ മണ്ണിൽ

പളുങ്കുമകുടങ്ങൾ,

തളിക്കയൂഷരസിര-

ക്കൂട്ടിലൊരമൃതവർഷിണി!

ഇരുളിലുയരുന്നല്ലോ

ഒരിക്കൽ കേട്ടു മറന്ന

വെളളിയലുക്കുകൾതൻ

മോഹനനാദം!

വിളംബിതലയത്തിൽ

ക്ഷണിക്കുകയാണൊരുകൊച്ചു

തമ്പുരാട്ടിയെന്നെ പഴം

മണിയറക്കുളളിൽ!


വേണുനമ്പ്യാർ

പി.സി. വേണുഗോപാലൻ

എ-34&6 ഒ.എൻ.ജി.സി കോളനി

കൗളാഹർ റോഡ്‌

ഡെറാഡൂൺ, യു.എ.

248 195




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.