പുഴ.കോം > പുഴ മാഗസിന്‍ > കവിത > റൊജേലിയോ സിനാന്റെ കവിതകൾ > കൃതി

അവൾ - വഴിയോരത്തെ സുഗന്ധപുഷ്പം

അഭിപ്രായം എഴുതുക
ഇ-മെയില്‍ ചെയ്യുക
പ്രിന്റ് ചെയ്യുക
ജമിനി കുമാരപുരം ,റൊജേലിയോ സിനാൻ (1904-1994)

കവിത

ഉയർന്നതാം പാലത്തിൻ മദ്ധ്യത്തി-

ലൂടൊരോർമ്മതൻ പ്രകാശധാര കടന്നിടുന്നു

നക്ഷത്രങ്ങളിലേയ്‌ക്കുളള ദൂരമിപ്പോഴ-

തിന്നസ്വസ്ഥത കുറച്ചിടുന്നു.

അവളും തെരുവുമാപ്പൂന്തോട്ടവും

മനം മയക്കുവാറുളെളാരാ-

കൊഴുന്തിൻ സുഗന്ധവുമിപ്പോൾ

മനസ്സിന്റെ മുറ്റത്തു ജ്വലിച്ചിടുന്നു.

ഇന്നുമാപ്പക്ഷിതൻ ചുണ്ടിൽ

റോസും മാംസളത്വവും

അതിന്റെ കൺകളിൽ നിഴലിക്കു-

മൊരാകാശ നീലിമയും തുടുത്തു നില്പൂ!

ചേളിലയിൽ നിന്നും പൊട്ടിമുളച്ചതാം

സംഗീതമിപ്പോഴതിൻ കൂട്ടിലേയ്‌ക്കും

പിന്നെ ശിഖരങ്ങളിലേക്കു-

മൊപ്പം വ്യാപിച്ചിടുന്നു.

ഞാൻ വിളിച്ചു കൂവി-തുടരുക!

കൈയുയർത്തിപ്പറയണോ എന്നൊ-

രാശങ്കയാൽ ഞാനുഴറി-അല്ലെങ്കിൽ

കൈ ചലിക്കാനാവാതെയായി.

നിഴൽ വന്നു ചിറകുകൾ ചെറുതായ്‌ നിവർന്നു

ഒരു തിരയുയർന്നു-എന്റെയുളളിലെ

കാറ്റിലൊരു പ്രഭാതം പതഞ്ഞുപൊങ്ങി.

പേൾ ലീഫെവിടെ? ആ ഗാനമെവിടെ?

റോസാപ്പൂക്കളെവിടെ?

പകൽ സ്വപ്നം മാഞ്ഞു-ഇപ്പോഴെന്നി-

ലേയ്‌ക്കു പടരുന്നൊരിരുട്ടുമാത്രം

കനത്തു കറുത്തതാം നിശ്ശബ്‌ദത മാത്രം!

ഞാനെൻ വിലാപങ്ങൾതൻ വിത്തുകൾ

ഭ്രാന്തമായ്‌ വിതച്ചു കൊണ്ടോടി.

ഭീതിദമാം കാറ്റിന്റെ വംശം

പതഞ്ഞു പൊങ്ങിയുയർന്നു.

ആ കാറ്റിന്റെ ഗതിയിലെൻ മിഴികളും

പതാകയിൽ കരങ്ങളും നട്ടിരുന്നു.

എന്റെയുളളിലെ നക്ഷത്രം മന്ത്രിച്ചു

നീ തുടർന്നു പോകൂ!


 Next

ജമിനി കുമാരപുരം

പൂർണ്ണമായ പേര്‌ ജമിനിസാ ബീവി. റിട്ടയേർഡ്‌ നഴ്‌സിംഗ്‌ ഓഫീസറാണ്‌. ആനുകാലികങ്ങളിൽ എഴുതുന്നു.

വിലാസം

ജമിനിസാ ബീവി,

‘ലിനി ലാന്റ്‌’,

തോപ്പിൽ നഗർ (53),

കുമാരപുരം,

മെഡിക്കൽ കോളേജ്‌ പി.ഒ.

തിരുവനന്തപുരം.

695 011

റൊജേലിയോ സിനാൻ (1904-1994)

‘പനാമ’യിലെ പ്രസിദ്ധനായ എഴുത്തുകാരൻ. കവി. ഇന്ത്യയുമായി അഭേദ്യമായ ബന്ധമുണ്ടായിരുന്നു. ഗാന്ധിജി, ടാഗൂർ തുടങ്ങിയ മഹത്‌വ്യക്തികളിൽ നിന്ന്‌ പ്രചോദനം ഉൾക്കൊണ്ടു. ഇംഗ്ലീഷിലും സ്പാനിഷ്‌ഭാഷയിലും രചനകൾ നടത്തിയിട്ടുണ്ട്‌. ഇന്ത്യൻ സ്വാതന്ത്ര്യസമര പ്രസ്ഥാനത്തിന്‌ ശക്തമായ പിൻബലം നൽകി. ലാറ്റിനമേരിക്കയിലെയും പനാമയിലേയും ജനങ്ങൾക്ക്‌, ഇന്ത്യയെപ്പറ്റി കൂടുതൽ പഠിക്കാനും അറിവുനേടാനും അദ്ദേഹത്തിന്റെ രചനകൾ സഹായിച്ചിട്ടുണ്ട്‌.




Puzha Magazine| Non-Resident Keralite| Puzha Kids| Folk Arts and Culture| Classics| Astrology| Obituaries| Matrimonial| Classifieds| Business Links| Audio Station| Responses| Your Articles| Malayalam Mail| Archives| Downloads
Disclaimer and Legal Notice

Copyright  1999-2007 Puzha.com
All rights reserved.